Ananas frómas
Þessi uppskrift er fengin frá henni Njálu sem gerir besta frómas sem ég hef smakkað:
10 blöð matarlím, lögð í bleyti
500 ml rjómi, þeyttur
3 egg
120 g sykur
Þeytt vel saman
1/2 dós ananas, bara safinn auk safans úr hálfri sítrónu.
Bræða matarlímið í vatnsbaði og kæla hægt með ananassafanum (1 tsk í einu).
Matarlímsblöndunni er bætt varlega saman við eggjahræruna og að lokum er þeytta rjómanum hrært varlega saman við blönduna með sleikju.
Kæla í a.m.k. 2 klst.