Ferskju hvolfkaka
Karamella:
50 g smjör
100 g púðursykur
2 ferskjur, vel þroskaðar eða úr dós
Kökudeig:
80 g smjör
80 g sykur
30 g púðursykur
1 egg
1 tsk vanilludropar
180 g hveiti
1/2 tsk engifer
80 ml mjólk
1/4 tsk matarsódi
1 tsk lyftiduft
1/4 tsk salt
Byrjið á að hita ofninn i 175°c
Bræðið saman smjör og púðursykur í potti til að gera karamellusósu. Leyfið sósunni að kólna aðeins. Á meðan er hægt að skera ferskjurnar í sneiðar.
Hellið síðan karamellusósunni í botninn á smurðu formi og raðið ferskjusneiðunum þar yfir.
Í hrærivélaskál er mjúkt smjör, sykur og púðursykur unnin vel saman, eggi bætt út í og þeytt vel. Vanilludropum, mjólk og þurrefnum er hrært varlega samn við með sleif og er smurt að lokum yfir karamelluávextina í forminu.
Bakið í miðjum ofni í 40 mín eða þar til prjónn kemur hreinn út ef stungið er í miðju kökunnar.
Leyfið kökunni að kólna áður henni er hvolft yfir á disk.
Berið fram með þeyttum rjóma eða vanilluís.