Uppskriftasafn Erlu Steinu

3-4 beinlausar grísakótilettur

1 egg

4 msk Panko brauðmylsna

20 g mulið cornflakes

1/2 tsk hvítlauksduft

1/2 tsk laukduft

1 tsk paprika

1/2 tsk salt

pipar eftir smekk

smávegis chiliduft

Snyrta grísakótiletturnar og slá saman egg í skál. Krydda kótiletturnar með salti og pipar. Blanda saman brauðmylsnu, kryddum og cornflakesmylsnu í annari skál. Dýfa kótilettum upp úr eggi og síðan í raspblöndunni. Baka í 220°c heitum ofni í um 20 mínútur.

Kartöflusalatið er einfalt:

Soðnar kartöflur skornar í nokkra bita.

Sýrður rjómi og vel af grófkorna sinnepi sem er blandað saman við. Kartöflum bætt útí ásamt sneiddum vorlauk og salti og pipar eftir smekk.

Mér finnst ekki verra að kartöflurnar séu heitar í þessu kartöflusalati en það er líka í fínu lagi að þær séu kaldar.