Lauflétt kúrbítsbaka
300 g rifinn kúrbítur, safinn kreistur úr
3 stk skalottlaukar, smátt saxaðir
hálft búnt graslaukur, skorinn fínt
50 g mozzarella
75 g hveiti
1 tsk lyftiduft
180 ml fjörmjólk
2 egg
1 tsk olífuolía
salt og pipar
1-2 msk rifinn parmesan
Byrja á að stilla ofninn á 190°c
Því næst er kúrbíturinn rifinn á rifjárni og mesti vökvinn kreistur úr, Hægt er að nota hreint viskustykki og vinda vökvann þannig úr en ég hef líka kreist þetta með höndunum og krist lúku fyrir lúku.
Því næst á að blanda við kúrbítinn lauknum, graslauk og mozzarella.
Í annarri skál er hveiti, lyftiduft, mjólk, egg, olíu, salti og pipar blandað saman og svo má blanda þessu vel við kúrbítsblönduna.
Þá er komið að því að undirbúa bökunarmót eða pie disk með því að spreyja hann með olíu (ég nota pam). Blöndunni er hellt í mótið og ferskur parmesan er rifinn yfir áður en sett er inn í ofn. Baka í 30 mínútur.
