Milanese kjúklingur
2 kjúklingabringur
200 g nýjar kartöflur skornar í tvennt
2 msk sýrður rjómi
1/2 tsk hvítlaukssalt
1 sítróna
1/2 bolli panko brauðmylsna eða 1 ristuð rifin brauðsneið
salat
smá graslaukur
olía til steikingar
Spreyja smá olíu yfir kartöflurnar ásamt smá salti og pipar. Baka í 25 mínútur við 200°c.
Fletja kjúklingabringurnar út í 1/2 cm þykkt með því að setja plastfilmu undir og yfir bringuna og slá með kökukefli eða botni á pönnu.
Blanda sýrða rjómanum ásamt smá salti, pipar og hvítlaukssaltinu. Rífa börk af hálfri sítrónu út í sýrða rjómann.
Seja brauðmylsnuna í sér skál.
Velta kjúklingnum upp úr sýrða rjóma blöndunni og síðan upp úr brauðmylsnunni. Þrýsta brauðmylsnunni vel utan um kjúklinginn.
Steikja kjúklinginn á miðlungs hita upp úr msk af olíu í u.þ.b. 4 mínútur á hvorri hlið.
Klippa smá graslauk yfir kartöflurnar.
Bera fram með kartöflunum, salati og sítrónubátum til að kreista yfir kjúklinginn.
Hægt að gera dressingu fyrir salat með því að blanda 1 msk af sýrðum rjóma, smá sítrónusafa og skvettu af ólifuolíu.