Millionaire´s shortbread (karamellukaka)
Kexbotn:
180 g hveiti
125 g saltað smjör
50 g sykur
Fylling:
150 g ósaltað smjör
150 g dökkur púðursykur
ca 310 g dós condensed mjólk (sæt niðursoðin)
Á toppinn:
200 g mjólkursúkkulaði
135 g maltesers
Hita ofninn í 160°c. Klæða 20 cm ferkantað mót með bökunarpappír. Vinna saman hveiti, salt og sykur í matvinnsluvél. Hnoða hráefnum saman í botninn og þjappa með fingrunum í kökuformið. Pikka með gaffli. Baka í 30 mín. Láta kólna alveg áður en næsta skref hefst.
Fyllingin:
Bræða saman smjör og sykur í potti og bæta síðan niðursoðnu mjólkinni út í pottinn. Hræra stöðugt í þar til karamellublandan hefur þykknað aðeins. Hella karamellunni yfir kexbotninn. Láta í kæli þar til karamellan hefur kólnað.
Bræða að lokum rjómasúkkulaðið yfir vatnsbaði og smyrja yfir karamelluna. Hella Maltesers kúlum yfir. Láta súkkulaðið stífna aðeins og skera síðan í bita.
