Möndlusmákökur með kirsuberjum

Möndlusmákökur með kirsuberjum

200 g fínt malaðar möndlur (möndlumjöl)

100 g flórsykur

1/4 tsk vanilludropar

1/2 tsk möndludropar

2 eggjahvítur

nokkur kokteil kirsuber skorin í tvennt

Byrjið á að blanda vel saman flórsykri og möndlumjölinu.

Í annarri skál má stífþeyta eggjahvíturnar.

Bætið bragðdropum og stífþeyttum eggjahvítunum út í mjölið og blandið vel saman.

Setjið deigið í sprautupoka með opnum stjörnustút. Sprautið deiginu á bökunarpappír og stingið hálfu kirsuberi í miðju hverrar köku. Bakið við 180°c í 10 mínútur eða þar til kökurnar fara að taka örlítinn lit.

Geymist í loftþéttu boxi.