Nauta taquitos
Taquitos eru litlar hveiti tortilla kökur með kjötfyllingu. Þeim er rúllað þétt í sívalning utan um fyllinguna og eru venjulega djúpsteiktar. Hér kemur hollari útgáfa af réttinum þar sem einungis brot af olíunni er notað við steikinguna.
400 g nautahakk
1/2 tsk laukduft
1/2 tsk reykt paprika
1/2 tsk oregano
1/2 tsk salt
1 tsk cumin
1 tsk hvítlauksduft
2 tsk milt chiliduft
1-2 dl salsa eða taco sósa
50 g rjómaostur
100-200 g rifinn ostur
12-14 stk litlar maís kökur (corn tortillas)
Steikið hakkið á pönnu og kryddið til með kryddunum. Bætið salsa sósu út á pönnuna ásamt rjómaosti. Blandan má ekki vera of blaut. Takið af hitanum og skiptið á milli ásamt ostinum í kökurnar (2-3 msk í hverja köku). Rúllið upp fylltum maískökunum.
Forhitið air fryer í 200°c. Penslið upprúllaðar kökurnar með olíu og leggið þær með sauminn niður. Bakið í 4 mínútur, snúið kökunum við og bakið í aðrar 4 mínútur eða þar til kökurnar eru orðnar fallega gylltar.
Berið fram með sýrðum rjóma og guacamole.