Söltuð karamellusósa
1/2 bolli (1,2 dl) hlynsíróp
2 msk smjörlíki
smávegis gróft salt
Hita sírópið í potti, ná upp góðri suðu, bæta við smjörlíki og leyfa blöndunni að sjóða þar til karamellan þykknar og verður seigfljótandi. Taka af hitanum og setja saltið saman við.
Þessi er góð út á ís eða popp eða bara nánast allt nema nautasteikina :)
Karamellupopp er einfaldlega gert þannig að poppaður er einn poki af örbylgjupoppi, poppinu er dreift á bökunarpappír og karamellusósunni er hellt yfir og látið storkna í 2-3 mín.
Svo er bara að reyna að klára ekki poppið áður en maður kemst inn í stofu til fjölskyldunnar því þetta er svo gott.
