Súkkulaðikaka fyrir ofnæmispésa
Þessi hentar ofnæmispésum vel og er furðulega góð þrátt fyrir að innihalda hvorki egg né mjólk.
6 dl hveiti
5 dl sykur
6 msk kakó
2 tsk matarsódi
1 tsk salt
1 og 1/4 dl matarolía (125 g)
2 tsk vanilludropar
2 msk epla edik eða borðedik
4 dl vatn
Þessu er öllu hrært saman og bakað á 180°c. Ég sting alltaf í kökuna til að vita hvenær hún er tilbúin. En hún þarf engan rosalegan eldunartíma. Ég held að ég hafi bakað hana í 25-30 mín.
Það má alls ekki sleppa edikinu, því það hjálpar til við lyftingu í kökuna sem fengist annars úr eggjum.
Krem:
100 g smjörlíki
200-300 g flórsykri
1-2 msk kakó
1-3 msk uppáhelltu kaffi
Þeytt saman, kaffið er notað til að þynna kremið þar til réttri áferð er náð.