Léttari skólastjórasúpa
Mig langaði að gera þessa góðu súpu svolítið hollari og sleppi því bæði rjómanum og heinz chili sósunni sem mér finnst einfaldlega ekki góð.
2-3 kjúklingabringur steiktar með salti og pipar
180 g Philadelphia light rjómaostur (lítil dós)
250 ml passata
1 tsk sriracha piparsósa
1 tsk olía
1-2 púrrulaukar sneiddir fínt
1-2 rauðar paprikur
lítill haus blómkál
lítið búnt spergilkál
1 teningur grænmetiskraftur
1 l vatn
2 gulrætur
1 msk karrí,
1 tsk mexican chili
smávegis cayenne pipar
Skera grænmetið smátt. Mýkja fyrst púrrulaukinn í olíu og bæta síðan vatni, passata, rjómaosti, grænmetiskrafti, steiktum kjúkling, grænmeti og kryddunum útí. Láta sjóða í 20 mínútur við vægan hita eða þar til grænmetið er soðið.