Big Mac copycat
Þessi uppskrift er fyrir fjóra borgara:
Hamborgarasósa (best að gera þessa daginn áður)
140 g létt majones
1 msk gult sinnep (French's)
2 msk sweet pickle relish
1 msk fínt saxaður laukur
1/2 tsk borðedik
1/4 tsk paprika
1/8 tsk hvítlauksduft
1/8 tsk laukduft
1/2 tsk sykur
sellerísalt á hnífsoddi
Öllu blandað saman og geymt í kæli nokkrar klukkustundir fyrir notkun eða jafnvel daginn áður ef hægt er.
Annað trix er að skera laukinn sem á að vera settur á hamborgarann snemma og láta hann standa í svolitla stund til að láta hann verða bragðmildari. Jafnvel hægt að skera hann á sama tíma og sósan er útbúin og geyma í loftþéttu boxi í kæli þar til hann er notaður.
Önnur hráefni:
480 g nautahakk
6 hamborgarabrauð
4 sneiðar ostur (þessi appelsínuguli)
fínt sneitt jöklasalat
fínt saxaður laukur
Byrjið á að skipta hakkinu upp í 8 kúlur og fletjið út í buff á bökunarpappír.
Skerið toppinn af tveimur brauðunum til að fá "miðju brauð" en botnarnir úr þeim eru notaðir í miðbrauðin í hina tvo borgarana.
Skerið niður jöklasalatið í mjög þunna strimla og fínsaxið laukinn.
Hitið pönnu og kryddið hamborgarabuffin með salti og svörtum pipar.
Steikið hamborgarabuffin og setjið hamborgarana saman í þessari röð:
- botnbrauð
- hamborgarasósa
- laukur
- kál
- ostur
- kjöt
- miðjubrauð
- hamborgarasósa
- laukur
- kál
- súrar gúrkur
- kjöt
- topp brauð (með sesam)
