Bleik egg
1 stk rauðrófa
500 ml vatn
200 ml eplaedik
1 msk sykur
1/2 msk maldon salt
6 stk harðsoðin egg
Byrjið á að útbúa bleika pækilinn.
Flysjið og skerið rauðrófuna í bita.
Setjið helminginn af vatninu í pott ásamt rauðrófubitunum. Sjóðið við vægan hita í 15-20 mínútur.
Bætið við edikinu, salti og sykri. Leyfið blöndunni að sjóða í 1-2 mínútur til viðbótar.
Sigtið rauðrófuna frá vökvanum og hendið rauðrófunni. Bætið við restinni af vatninu og látið pækininn kólna niður í stofuhita.
Takið skurn af eggjunum og setjið í krukku. Hellið pæklinum yfir eggin og setjið í kæli. Leyfið eggjunum að standa í pæklinum í að minnsta kosti 12 klukkustundir til að eggin nái að draga í sig litinn úr pæklinum.
