Kúrbítsbuff
Grænmetisbuff eru skemmtileg tilbreyting frá kjötinu. Þessi kúrbítsbuff eru mild á bragðið með örlitlum sítruskeim.
1 meðalstór kúrbítur
1 dl maísbaunir
2 soðnar kartöflur
2 sneiddir vorlaukar
1/4 tsk hvítlauksduft
1 msk hveiti
salt og pipar
örlítil olía
sósa:
100 g sýrður rjómi
1 hvítlaukslauf, rifið
börkur af 1 sítrónu
1 msk sítrónusafi
salt og pipar
Rífið kúrbítinn og stráið örlitlu salti yfir. Leyfið þessu að standa í 15 mínútur og kreistið síðan safann vel úr kúrbítnum.
Flysjið kartöflurnar og rífið kartöfluna út í kúrbítinn. Bætið við maísbaunum, sneiddum vorlauk og rifnum hvítlauk. Hrærið vel saman og stráið síðan hveiti yfir. Kryddið til með salti og pipar.
Með olíubornum höndum mótið buff og setjið á bökunarpappír. Bakið í forhituðum air fryer við 180°c í 8 mínútur. Snúið buffunum við og steikið áfram í 6 mínútur.
Berið fram með sósunni