Aspas baka
1 pakki smjördeig (puff pastry)
100 g smurostur (hreinn eða með skinku)
1 egg
6 sneiðar skinka
2 dósir aspasspjót eða tvö búnt ferskur aspas
30 g rifinn ostur
Ef verið er að nota ferskan aspas þarf að sjóða hann í nokkar mínútur til að mýkja hann.
Byrjið á að leyfa deiginu að þiðna og setjið síðan á bökunarpappír.
Forhitið ofninn í 200°c.
Merkið deigið með hníf (ekki skera alla leið í gegn) til að mynda 1 cm kant. Pikkið allt deigið fyrir innan kantinn með gaffli til að koma í veg fyrir að miðja deigsins lyfti sér.
Sláið eggið með gaffli í skál og penslið kantinn með egginu. Geymið afganginn af egginu, það verður notað síðar.
Bakið deigið í 10 mínútur.
Blandið saman smurosti og 2 msk af egginu. Kryddið til með svörtum pipar.
Smyrjið smurosta- eggjablöndunni yfir deigið og stráið skorinni skinku yfir. Raðið aspasinum þar yfir og stráið örlitlum rifnum osti yfir aspasinn.
Bakið í 20 mínútur til viðbótar.