Kúrbítseggjakaka
1 heilt egg
1 eggjahvíta
1 lúka rifinn kúrbítur, kreistur
smávegis klipptur graslaukur
1-2 stk vorlaukur
20-30 g rifinn ostur
salt og pipar eftir smekk
Forhitið air fryer í 200°c.
Byrjið á að rífa kúrbítinn á rifjárni og kreistið vökvann úr kúrbítnum. Sneiðið vorlaukinn og klippið graslaukinn. Blandið gr´nmetinu saman í skál.
Eggin eru sett í skál og slegin sundur með gaffli, krydduð til með salti og pipar og síðan hellt yfir grænmetið ásamt rifnum osti.
Setjið bökunarpappír í botninn á bökunarformi (ég nota 12 cm hringform.) Úðið smávegis olíu á bökunarpapírinn og hellið sían eggjablöndunni í formið.
Bakið við 200°c í 8 mínútur í airfryer.